Finally, presented below is an humble attempt to write a poem on Degh:

ਕੀ ਕਰੀਏ ਤੇਰੀ ਤਰੀਫ, ਓ ਸ਼ਹਿਦ ਨਾਲੋਂ ਮਿੱਠੀਏ।
ਹੋਸ਼ ਗੁੰਮ ਹੋ ਜਾਣ ਨੀ ਜਦੋਂ ਵੀ ਰੂਪ ਤੇਰਾ ਡਿੱਠੀਏ।

ਜਦੋਂ ਰਸਨਾ ਤੇ ਆ ਜਾਵੇਂ, ਸੁਆਦ ਇਲਾਹੀ ਦੇ ਜਾਵੇਂ।
ਤੂੰ ਹੀ ਦੱਸ ਫਿਰ ਤੈਨੂੰ ਅਸੀਂ ਕਿਉਂ ਕਰ ਛਕਣੋ ਹਟੀਏ।

ਘਿਓ ਖੰਡ ਆਟੇ ਨਾਲ ਪਲੀ ਤੇ ਪਾਣ ਤੈਨੂੰ ਬਾਣੀ ਦੀ।
ਸੌਦਾ ਨਾਮ ਦਾ ਹੋਰ ਵਧੇ ਜਦੋਂ ਤੈਨੂੰ ਰਸਨਾ ਨਾਲ ਚਖੀਏ।

ਜੋ ਤੈਥੋਂ ਮਹਿਰੂਮ ਨੇ ਉਹ ਅਭਾਗੇ ਦਸੋ ਜਨਮੇ ਹੀ ਕਿਉਂ।
ਇਹ ਸੁਗਾਤ ਉਹਨਾਂ ਨੂੰ ਮਿਲਦੀ ਜੋ ਆਉਂਦੇ ਗੁਰ ਹੱਟੀਏ।

ਐਸਾ ਵਿਲੱਖਣ ਭੋਜਨ ਇਹ, ਰੱਬੀ ਨੂਰ ਨਾਲ ਹੈ ਓਤ ਪੋਤ।
ਸਿਆਣਪ ਇਸੇ ਵਿਚ ਹੈ ਯਾਰੋ, ਇਹਨੂੰ ਬਾਰ ਬਾਰ ਲੁੱਟੀਏ।

ਕੁਲਬੀਰ ਸਿੰਘ ਤਕੜਾ ਹੋ ਕੇ ਦੇਗ ਦੇ ਗੱਫੇ ਛਕਿਆ ਕਰ।
ਜਦੋਂ ਤੱਕ ਸਾਹ ਨੇ ਚਲਦੇ, ਖੱਟੀਂ ਲਾਹਾ ਦਬੋ ਦਬੱਟੀਏ।

July 11, 2011